გადავწყვიტეთ კიდევ ერთი კვირეულის ჩატარება და ეს კვირეული მივუძღვენით ილია ჭავჭავაძეს. გავეცანით ილიას ბიოგრაფიას, საპროგრამო მასალის გარდა წავიკითხეთ მოგონებები დიდ მწერალზე, მისი ლექსები და ბრძნული გამონათქვამები. ვნახეთ მხატვრული ფილმი ,,კაცია-ადამიანი?!" ვიყავით თბილისში ილია ჭავჭავაძის სახლ-მუზეუმში. 26 ნოემბერს კი ჩავატარეთ შემაჯამებელი გაკვეთილი - ,,ვსაუბრობთ ილიაზე", სადაც მოსწავლეებმა ისაუბრეს ილიას ღვაწლზე და თავიანთ შთაბეჭდილებებზე. გაკვეთილს ესწრებოდნენ მოსწავლეთა მშობლებიც. დაგეგმილი გვაქვს საგურამოში ილიას სახლ-მუზეუმის მონახულება.
