ჩვენი თვალით დანახული სამყარო

суббота, 21 июня 2025 г.

პირველი კლასიც დავასრულეთ!

საინტერესოდ დავასრულეთ პირველი კლასი. ჯერ ვიქტორინა ჩავატარეთ და მიღებული ქულებით ტკბილეული დაიმსახურეს ჩემმა პატარებმა, შემდეგ ,,მზიურს" ვეწვიეთ და მთელი დღე ვითამაშეთ და ვიმხიარულეთ🥰

მხიარული სტარტები

ძალიან მხიარული დღე გვქონდა 8 მაისს, შევეჯიბრეთ პარალელურ კლასს. მონაწილეობდნენ მშობლებიც. გაიმარჯვა მეგობრობამ!

დღეს ორი თარიღი დაემთხვა ერთმანეთს. მსოფლიოში აღინიშნება საბავშვო წიგნის დღე და აუტიზმის შესახებ ცნობადობის ამაღლების დღე. ამიტომ ჩემს პირველკლასელებთან ერთად სკოლის ბიბლიოთეკას ვესტუმრეთ და ამ ლამაზ გარემოში ვისაუბრეთ ცნობილ მეზღაპრეებზე, მათ საყვარელ ზღაპრებზე. გამოვიცანით ზღაპრების პერსონაჟები. წავიკითხეთ ჰანს ქრისტიან ანდერსენის ,, მახინჯი ჭუჭული" და იაკობ გოგებაშვილის ,,ელამი კატო". ბავშვებმა თვითონ გამოიტანეს დასკვნა რომ არსებობენ ჩვენგან განსხვავებული ადამიანები და ჩვენ მათ სიყვარულით უნდა მოვექცეთ.🥰

пятница, 22 ноября 2024 г.

მოგზაურობა ანბანეთში

8 ოქტომბერს I ბ კლასის მოსწავლეებმა ანბნეთის ჯადოსნურ სამყაროში იმოგზაურეს ჟირაფ ჟოზესთან და ბომბორასთან ერთად, წარმატებით შეისწავლეს ასო-ბგერები ა და ი. წარმატებები მინდა ვუსურვო მათ სწავლის რთულ გზაზე!😊

პირველი დღე ახალ კლასთან

წელს ახალი პირველი კლასი მყავს. ძალიან საყვარელი და ლამაზი გოგო-ბიჭები. პირველ სასწავლო დღეს განსაკუთრებულად დავხვდით მათ. ეზოში ჯამბაზი და პანდა დახვდათ და გაამხიარულეს, შემდეგ საკლასო ოთახში შემოუძღვნენ. ვეცადე კლასი ლამაზად მომერთო და მგონი გამომივიდა😊 . ბავშვებს ძალიან მოეწონათ საკლასო ოთახი. შემდეგ გავეცანი , ისინიც გავიცანი და გულსაკიდები და სიმბოლური საჩუქრები დავურიგე. დღემ ძალიან მხიარულად ჩაიარა. მინდა წარმატებები ვუსურვო ჩემს ლამაზ გოგო-ბიჭებს!😊

воскресенье, 11 апреля 2021 г.

დასურათებული ქართული ანბანი

მოგესალმებით!

ეს ჩემი მოსწავლის, მარიამ რობიტაშვილის მიერ დასურათებული ქართული ანბანია. მარიამი პირველკლასელია და ეს მისი პირველი ნაბიჯებია ცოდნის გრძელ გზაზე. მინდა წარმატებები ვუსურვო მარიამს და მის კლასელებს!

пятница, 10 июня 2016 г.

პროექტი ,,ჩვენი სკოლა"

ჩემო საყვარელო მოსწავლეებო! გილოცავთ ცხოვრების ახალ ეტაპზე გადასვლას და გისურვებთ წარმატებებს! მე მგონი ჩვენს პროექტზე მუშაობა სახალისო და საინტერესო გამოდგა თქვენთვის. ბევრი საინტერესო ინფორმაცია მოიპოვეთ სკოლის ისტორიაზე და ყოფილ მესამოცელებზე. ჩაატარეთ გამოკითხვა პარალელურ კლასებში, შექმენით ძალიან ლამაზი დიზაინის სასკოლო ფორმები. ეს ყველაფერი დარჩება როგორც სკოლის ისტორიის ერთი ლამაზი ფურცელი. წარმატებები და კიდევ წარმატებები!!!
ძვირფასო მშობლებო! დიდი მადლობა ამ ოთხი წლის განმავლობაში სასკოლო ცხოვრებაში ჩართულობისათვის! მე ყოველთვის ვგრძნობდი თქვენს თანადგომას.