სადამრიგებლო საათი

     ჩემს სადამრიგებლო კლასში ყოველკვირეულად ვატარებ სადამრიგებლო საათს, სადაც მრავალ პრობლემაზე თუ თემაზე ვმსჯელობთ. 20 თებერვალს გავმართეთ დისკუსია თემაზე: "ვინც მოყვარესა არ ეძებს, იგი თავისა მტერია". მოსწავლეებს წარვუდგინე ჩემს მიერ შექმნილი ელექტრონული წიგნი - ზღაპარი "მზე ყველას ეყოფა" და წავუკითხე ოსკარ უაილდის "ხარბი გოლიათი". მოსწავლეებმა  იმსჯელეს ამ ნაწარმოებებში წამოჭრილ პრობლებზე, შეადარეს ერთმანეთს და გამოიტანეს დასკვნები. დისკუსიაზე გვესწრებოდნენ სკოლის დირექტორი ბატონი შოთა მალაზონია, დირექტორის მოადგილე ქალბატონო ნანა ჩოხელი, პედაგოგები და მოსწავლეთა მშობლები. ვფიქრობ ასეთი დისკუსიები სასარგებლოა მოსწავლეთა პიროვნული და მორალური განვითარებისათვის.

ემილის თავგადასავალი

 

     19 თებერვალს თეატრის დღე გვქონდა. ვეწვიეთ ნოდარ დუმბაძის სახელობის მოზარდმაყურებელთა თეატრს და დავესწარით სპექტაკლს "ემილის თავგადასავალი". მოსწავლეებს ძალიან მოეწონათ ასტრდ ლინდგრენის მოთხრობის გაცოცხლებული პერსონაჟები.

სულხან-საბას კვირეული

    ქართული ლიტერატურის კიდევ ერთი კლასიკოსის, სულხან-საბა ორბელიანის, ნაწარმოებების შესწავლა დავიწყეთ ამ სასწავლო წელს და გადავწყვიტეთ სულხან-საბას კვირეულიც ჩაგვეტარებინა. გავეცანით მწერლის ბიოგრაფიას და მის ნაწარმოებებს. ვისაუბრეთ მის მრავალმხრივ ღვაწლზე ქართველი ერის წინაშე. მოსწავლეთათვის განსაკუთრებით საინტერტესო აღმოჩნდა 10 თებერვალს ჩატარებული გაკვეთილი, სადაც მათ ვანახე სულხან-საბას იგავების მიხედვით შექმნილი ვიდეოფილმები: "ენით დაკოდილი", "უტკბესი და უმწარესი", "ძუნწი და ოქრო" და მულტიპლიკაციური ფილმი "სოფლის მაშენებლები".  მოსწავლეებმა იმსჯელეს და თავიანთი აზრი გამოთქვეს ამ ნაწარმოებებზე.
       ჩემს მოსწავლეებს ძალიან მოეწონათ სულხან-საბას იგავ-არაკებზე, გადაცემა "ქვიშის სამყაროს" მიერ,  შექმნილი ვიდეოფილმები. დიდი მადლობა  ამ ვიდეოფილმების შემქმნელებს. ჩვენ მსგავს ვიდეოფილმებს ხშირად გამოვიყენებთ გაკვეთილზე.

ყველაზე მხიარული დღესასწაული

     დეკემბრის თვეში ვმუშაობდით პროექტზე ,,ყველაზე მხიარული დღესასწაული''. რა თქმა უნდა პროექტი ეძღვნებოდა ახალ წელს.პროექტს ვხელმძღვანელობდით მე და ინგლისურის მასწავლებელი დიანა მათიაშვილი. პროექტის მსვლელობისას მოსწავლეები გაეცვნენ სხვადასხვა ქვეყნების საახალწლო ტრადიციებს, საშობაო საგალობლებს, ვნახეთ მოკლემეტრაჟიანი მხატვრული ფილმი ,,კუჩხი ბედინერი".
      25 დეკემბერს შედგა პროექტის პრეზენტაცია. პრეზენტაცია წარიმართა ქართულ და ინგლისურ ენებზე. მოსწავლეებმა მშობლებთან ერთად შეასრულეს სიმღერები. საშობაო სიმღერები შეგვისრულეს ჩვენმა სტუმრებმაც ანსამბლ ''მართვეს" სოლისტებმა. პრეზენტაციაზე გვესწრებოდნენ სკოლის პედაგოგები  და მშობლები. გავაწყვეთ საახალწლო მაგიდა ტკბილეულით. მაგიდას ამშვენებდა ჩვენი მშობლის ნინო ადამაშვილის გამომცხვარი ბასილა. დასასრულს მოსწავლეებს და სტუმრებს გავუმასპინძლდით ტკბილეულით.

ვსაუბრობთ ილიაზე

     გადავწყვიტეთ კიდევ ერთი კვირეულის ჩატარება და ეს კვირეული მივუძღვენით ილია ჭავჭავაძეს. გავეცანით ილიას ბიოგრაფიას, საპროგრამო მასალის გარდა წავიკითხეთ მოგონებები დიდ მწერალზე, მისი ლექსები და ბრძნული გამონათქვამები. ვნახეთ მხატვრული ფილმი ,,კაცია-ადამიანი?!" ვიყავით თბილისში ილია ჭავჭავაძის სახლ-მუზეუმში. 26 ნოემბერს კი ჩავატარეთ შემაჯამებელი გაკვეთილი - ,,ვსაუბრობთ ილიაზე", სადაც მოსწავლეებმა ისაუბრეს ილიას ღვაწლზე და თავიანთ შთაბეჭდილებებზე. გაკვეთილს ესწრებოდნენ მოსწავლეთა მშობლებიც. დაგეგმილი გვაქვს საგურამოში ილიას სახლ-მუზეუმის მონახულება.

მოგზაურობა კოსმოსში

     22 ოქტომბერს ჩავატარეთ კიდევ ერთი ინტეგრირებული გაკვეთილი (ინტერაქტიული თამაშებით)  ,,ვირტუალური მოგზაურობა კოსმოსში''. ამ მოგზაურობის დროს მოსწავლეებს ბევრი სხვადასხვა დავალების შესრულება მოუწიათ, რაშიც ბუნებისმცოდნეობისა და ქართულის გაკვეთილებზე შესწავლილი მასალები დაეხმარათ. კოსმოსში მოგზაურობისას გაიცნეს უცხოპლანეტელი. ზემოდან გადმოხედეს დედამიწას, მიუახლოვდნენ მზეს, ხომალდი დასვეს მთვარეზე და დაათვალიერეს მთვარის ზედაპირი, ბოლოს მშვიდობიანად დაბრუნდნენ დედამიწაზე. გაკვეთილზე გვესწრებოდნენ სკოლის დირექტორი ბატონი შოთა მალაზონია, პედაგოგები: თამარ ყაჭეიშვილი, მაია თორდინავა, ნელი ნადირაშვილი, ნუნუ კარიაული, მაია მჭედლიშვილი, ნინო ფირცხალაიშვილი, ლია ბახუტაშვილი, ირმა ყიფიანი, მაია ბაღაშვილი, ქეთევან ასანიძე, იზო გურგენიძე...
     23 ოქტომბერს მშობლებთან ერთად გავაგრძელეთ კოსმოსში მოგზაურობა, ჩვენთან ერთად იყო ჩვენი ინგლისურის პედაგოგი დიანა მათიაშვილი. მოსწავლეებთან ერთად სხვადასხვა დავალებებს მათი მშობლებიც ასრულებდნენ. გაკვთილის ბოლოს მოსწავლეები დაჯილდოვდნენ სიგელებით და მიენიჭათ ,,ნორჩი კოსმონავტის" წოდება.